“ЦАЦАРГАНЫГ ХООЛ ХҮНСЭНД ХЭРЭГЛЭХ”

Эрүүл мэндийн ашиг тустай нэмэлт орц найрлагатай бүтээгдэхүүнийг хоолны технологид нэвтрүүлэх зорилгоор  Чацаргана жимсгэнээр сүмс, мусс, үндсэн хоолонд хэрэглэх туршилт судалгааны ажлыг “Blue fin” -тай хамтран “ Чацарганатай сүүн мусс”, “Чацарганатай тахианы махан мусс”, “ Чацарганатай сүмс” зэрэг хоолыг үйлдвэрлэлд нэвтрүүлж гаргасан. Уг бүтээгдэхүүнээрээ “Chinggis khaan Challenge” “ тэмцээнээс “Амтлаг хоол”-ны төрөлд алтан медаль, Энэтхэг улсын кулинарын холбооны алтан медалиар шагнагдсан. Эрүүл  мэндэд зохистой бүтээгдэхүүнийг TV25 телевизээр нэвтрүүлсэн. Жорын дагуу хоол үйлдвэрлэлийн ангийн суралцагчдад үйлдвэр сургалтын хичээлээр дэлгэрүүлэн ажиллаж байна.

Суралцагчдын идэвхи сонирхлыг хөгжүүлэх, ур чадварыг дээшлүүлэх зорилгоор “Chefstars club” болон “Чимэглэх урлагийн клуб”-ийг ажиллуулахаас гадна орчин үеийн хоолны технологийн хичээл сургалт явуулах орчинг бүрдүүлэх, Blue Mon групп, Тогооч нарын холбоотой хамтран тогооч мэргэжлийн суралцагчдын ур чадварыг дэлхийн жишигт хүргэх,  өрсөлдөх чадвартай болгохын  төлөө ажиллаж байна. Хоол үйлдвэрлэл үйлчилгээний тэнхимийн багш, суралцагчид  өөрсдийн бүтээлээр ХХАА яамнаас зохион байгуулсан үзэсгэлэн худалдаанд  2 удаа, тайлант бүтээлийн үзэсгэлэн гаргасан .

МУ-ын мастер тогооч багш Ч.Оюун АСЕМ-ийн  дээд түвшний уулзалтын үйлчилгээний арга хэмжээнд улс орны ерөнхийлөгч, ерөнхий сайд нарт хоол хийх тогоочоор сонгогдсон. Олон улс, улсын чанартай тэмцээнүүдэд жил бүр шавь нараа амжилттай бэлтгэн оролцуулж, олон улсаас 6 алт, мөнгө, хүрэл, улсын аварга шалгаруулах тэмцээнээс 40 гаруй медаль хүртсэн. Шавь нар нь нэр хүндтэй ААН, байгууллагуудад ерөнхий болон ахлах тогоочоор  амжилттай ажиллахаас гадна гадаадад Швед, Япон,, Хятад, АНУ-д мэргэжлээрээ ажиллаж байна.